Uppskrift til bundið turriklæð frá Paulinu
Í sambandi við stóra hátíðarhaldið í dag, nú vit eru flutt í nýggjan bygning, verður útgáva av nýggjum turriklæði til føroyska kvinnubúnan. Tað er okkara trúfasta og dugnaliga lærarinna, Paulina M. K. Eliasen, sum hevur sniðgivið nýggja turriklæði.
Uppskriftn fæst ókeypis á her (pdf fíla at taka niður)
Almen móttøka 2. oktober 2025 kl. 15-17
Húsarhaldsskúli Føroya bjóðar til almenna móttøku í samband við at skúlin er fluttur í nýggjan bygning.
Skrá:
· Røður
· Avdúking av nýggjum navni
· Tónleikur
· Ábit
At veva klæðir úr ull – fyrilestur 4. septembur kl. 19:30
Mikukvøldið 4. september kl. 19:30, verður forvitnisligur fyrilestur við Gunnel Andersson: At veva klæðir úr ull.
Øll eru hjartaliga vælkomin!
Fyrilestur: Føroyski tjóðbúnin í søguligum og nútíðarligum høpi
Mikukvøldið 26.apríl kl. 19.00 ferð Noomi í Dali at halda fyrilestur undir heitinum
Føroyski tjóðbúnin – ein livandi mentan.
Fyrilesturin tekur støði í søguligum keldum, har sagt verður frá og víst við myndum, hvussu føroyski búnin hevur verið, í mun til tað, hann er í dag.
Samanborið verður við hvussu tjóðbúnar aðra staðni síggja út, og verða nýttir.
Víst verður á hvussu føroyski tjóðbúnin nú á døgum er broytiligur, samstundis sum tað gamla verður varðveitt.
Fyrilesturin er almennur og er á Húsarhaldsskúla Føroya
Øll eru hjartaliga vælkomin til fyrilesturin, sum er ókeypis, tó er neyðugt at melda til á hsf@rotin.fo áðrenn kl. 16.00 mikudagin.
Fráfaringarløta fyri húsarhaldsskúlaskeið 22/23
Næmingar, foreldur og lærarar vóru til hugnaliga fráfaringarløtu, nú næmingarnir eru liðnir við húsarhaldsskúlaskeiðið 22/23.
Sangur og røður – eisini nøkur tár vóru at síggja. Genturnar høvdu stákast í allan dag og gjørt mat tilreiðar. Lekkurt sjálvtøkuborð og dessert omaná.
Opið hús og framsýning
14. februar var framsýning á Húsarhaldsskúlanum. Høvið var at síggja alt sum genturnar hava tilevnað hetta skúlaárið.
Á skránni var:
- Café
- Verkstova/fyrilestur
- Mótasýning (kl 17:00,18:30,19:00)
- Framsýning av handarbeiði
Til framsýningina gingu eisini næmingarnir mótasýning í klæðum frá Blákrossbúðin í Klaksvík 
Stuttligt at síggja klæðir verða endurnýtt og fáa nýtt lív 
